"Tigo inteje imbere kuko ubu ngiye kwagura ibikorwa byanjye"- Ugirumurera Alivera

Nitwa Ugirumurera Alivera mfite imyaka 30 nkora umwuga w’ubudozi nkaba ntuye kimisagara. 

Tigo impamagara imbwira ko natsinze narishimye cyane kuko ni nko kumva umuntu agutunguye ngo ngwino nguhe amafaranga, byaranshimishije cyane kuko nunvaga ari nk’igitangaza.

Iyi tombola ya Tigo najyaga nyunva ariko sinyihe umwanya simbishishikarire cyane mbese nkigira nkaho bitandeba, ariko ubu narayikinnye ndi kugerageza ngo ndebe koko niba bishoboka none nagerageje amahirwe birampira.

Iyi tombola nayimenye banyoherereje ubutumwa bugufi bumbwira ko yatangiye bansaba kohereza ijambo nshaka kuri 155 nuko ntangira  gukina ngerageza amahirwe.

Aya mafaranga mbonye rero nkuko nabivuze ndi umudozi w’imyenda kandi nkaba nkoresha imashini imwe aya mafaranga mbonye ndunva nzaguramo imashini kugirango nkomeze kwiteza imbere mu kazi kanjye ka buri munsi. 

Icyo nabwira umuntu wateguye iyi tombola ni ukumushimira cyane kuko rwose yafashe neza abakiliya ba Tigo abaha amahirwe yo guhindura ubuzima. Tigo nubusanzwe ndayikunda ariko noneho ubu byabaye akarusho.

Nabwira abashidikanya muri iyi tombola ko ntawe uvuma iritararenga, nanjye najyaga nshidikanya nunva ko aya mafaranga atangeraho rwose ariko bakimara kumpamagara nunvise ko byose bishoboka ko kandi amahirwe ari aya buri wese.